Բացատրական նշում

Դասընթացի արդիականությունը պայմանավորված է «Հանրակրթության պետական չափորոշչի ձևավորման և հաստատման կարգի» նախագծի վերաբերյալ քննարկումների շարունակությամբ։

 Ըստ Հանրակրթական պետական չաափորոշիչների նախագծով առաջարկվող (7-12- րդ դասարանների մասով) հիմնական փոփոխություններներն են.

• Բացի ուսումնական պլանի պետական պարտադիր ու դպրոցական բաղադրիչներից, առաջարկվում է անհատական բաղադրիչը, որի շրջանակում սովորողի հանդեպ անհատականացված մոտեցման հնարավորություն է ստեղծվում։ Նախագծային ուսուցումը պարտադիր կլինի 7-12-րդ դասարաններում առնվազն մեկ նախագծի տեսքով, ինչպես որևէ առարկայի, այնպես էլ համայնքային ծրագրերի շրջանակում, որոնք ուղղված կլինեն որոշակի սոցիալական կամ բնապահպանական խնդիրների լուծմանը։

• Ավագ դպրոցում առաջարկվում է հոսքային ուսուցումից հրաժարվել՝ ի նպաստ անհատականացված դասացուցակի, որը կկազմվի պարտադիր առարկաների համադրությամբ և այլն։

Ունկնդիրների կատեգորիաներ, որոնց ուսուցման համար նախատեսված է ուսումնական ծրագիրը.

Հիմնական և ավագ դպրոցի ֆիզիկա առարկայի ուսուցիչներ։

Վերապատրաստման մասնակիցները հնարավորություն կունենան  ուսումնասիրել ֆիզիկայի էկոլոգացումը, ուսուցման այլընտրանքային, նոր ձևերի ներդրումն ու կիրառումը։  Վերապատրաստման բովանդակությունը կառուցվում է այնպես, որ գիտելիքների և կարողությունների զարգացմանը զուգընթաց այն նպաստում է վերապատրաստվողների սոցիալական հմտությունների զարգացմանը։

Մասնակից ուսուցիչներին կներկայացվի սեմինարի բազմաբնույթ ծրագիր, որը բաղկացած է

 1․գործնական նստաշրջաններից

 2․փորձագետի դասախոսություններից:

Դասընթացի նպատակը 

Հաշվի առնելով ժամանակակից կրթական գործընթացի կազմակերպման փոփոխված պահանջները` հիմնական և ավագ դպրոցներում  ֆիզիկա առարկայի կրթական ծրագրեր իրականացնող ուսուցիչների վերապատրաստում հեռևյալ ոլորտներում`  

• մասնագիտական կարողությունների և հմտությունների ձեռքբերում, 
• կրթական գործընթացի նախագծում, 
• ՀՀ ԿԳՄՍՆ կրթական պահանջների լույսի ներքո նորարարական տեխնոլոգիաների օգտագործման վրա հիմնված դասի նախագծում:

Դասընթացի խնդիրները.

ֆիզիկայի ուսուցչի մասնագիտական կարողությունների կատարելագործում ՝ կապված մանկավարժական գործունեության նախագծման, իրականացման և ռեֆլեքսիվ վերլուծության ունակության հետ, ծանոթացնել ուսուցիչներին ֆիզիկայի դասաժամերի համար նախատեսված նախագծերի կոնկրետ գաղափարների։

 

Աշխատանքների ընթացքը՝

1․Դասախոսություն:

2․Փոքր (առցանց) խմբերային աշխատանքներ։

3․Ինքնուրույն անհատական աշխատանքներ։

4․Դասընթացի վրա հիմնված ուսուցում. ուսուցիչները ստանում են փաստերի վրա հիմնված առաջադրանքներ։

5․Հասակակիցների ուսուցում. ուսուցիչները սովորում են միմյանցից և տալիս են միմյանց հետադարձ կապ։

6․Անհատական ուսուցման միջավայր. ուսուցչի (առցանց) ներգրավման ուսումնական միջավայրը հարմարեցված է նրա անձնական կարիքներին, ուսուցման ոճին …

7․Տեսողական որոնում և ուսուցում. պատկերներն ու մուլտիմեդիան ավելի ուժեղ են, քան բանավոր խթանները, ուստի ուսուցիչները կսովորեն մեդիագործիքներով  խաղեր, հարցեր,գնահատման զանազան նյութեր պատրաստել։

 

Վերապատրաստման վերջնական արդյունքը

ներառում է նախագծային աշխատանքի պաշտպանություն՝ դասընթացի ծրագրի բովանդակության յուրացման գործընթացում։

Վերապատրաստման դասընթացի նյութը ներկայացված է փորձարարական տեսքով, որը թույլ կտա ուսուցչին դասընթացի ավարտից հետո ստեղծագործաբար մոտենալ ուսուցման նախագծային մեթոդին, սովորել նախագծերի գաղափարներ, ստեղծել նորերը և դրանք կիրառել ուսուցման համապատասխան իրավիճակում։

 

Դասընթացը կառուցված է մոդուլային հիմունքներով: Բոլոր մոդուլները փոխկապակցված են և փոխկախված են, ունեն ընդհանուր արժեք և համապատասխան թիրախային ուղեցույցներ որոնք համապատասխանում են ծրագրի հիմնական նպատակներին ու խնդիրներին, ինչպես նաև ունեն ընդհանուր հայեցակարգային և մեթոդաբանական հիմունքներ։

Դասընթացի բովանդակային-կազմակերպչական ամբողջականությունն ապահովվում է նաև յուրաքանչյուր դասի ներքին կառուցվածքի միջոցով, որը փոխկապակցված է դասընթացի ընդհանուր կառուցվածքի հետ: